Sürüjilik şahadatnamasy

Sürüjilik şahadatnamasy (Türkmenistan → Rumyniýa)

Eger sizde Türkmenistanyň sürüjilik şahadatnamasy bar bolsa, degişli şertler ýerine ýetirilen halatynda ony rumyn sürüjilik şahadatnamasyna çalşyp bilersiňiz.

1. Ilki bilen näme etmeli?

Türkmenistanyň sürüjilik şahadatnamasyny rumyn diline resmi (notarial tassyklanan) terjime etdirmeli.

Terjimäni Rumyniýadaky ygtyýarly terjimeçi (Traducător autorizat) edip biler.

2. Nirä ýüz tutmaly?

Ýaşaýan ýeriňizdäki DGPCI (Direcția Generală Permise de Conducere și Înmatriculări) edarasyna ýüz tutuň.

Käbir DGPCI bölümlerinde öňünden onlaýn ýazylmak (programare) talap edilýär.

3. Haýsy resminamalar gerek?

Aşakdaky resminamalary tabşyrmaly:

1. Türkmenistanyň sürüjilik şahadatnamasynyň asyl nusgasy.
2. Şahadatnamanyň rumyn dilindäki resmi (notarial tassyklanan) terjimesi.
3. Pasport.
4. Oturuş ygtyýarnamasy (Permis de ședere).
5. Rumyniýadaky ýaşaýan salgyňyzy tassyklaýan resminama.
6. Döwlet ýygymynyň tölenendigini tassyklaýan resminama.
7. Arza (DGPCI edarasynda doldurylýar).

Bellik:

Käbir ýagdaýlarda goşmaça resminamalar hem talap edilip bilner. Iň soňky maglumatlary resmi DGPCI web sahypasyndan barlamagyňyz maslahat berilýär.

4. Netijede näme bolýar?

5. Resminamalary DGPCI edarasyna şahsy ýagdaýda tabşyrýarsyňyz.

6. DGPCI resminamalaryňyzy barlaýar.

7. Arzaňyz tassyklansa, size rumyn sürüjilik şahadatnamasy berilýär.

8. Täze şahadatnama adatça poçta arkaly görkezilen salgyňyza iberilýär.

Resmi çeşmeler

• DGPCI – Preschimbarea permisului de conducere străin.
• DGPCI (Direcția Generală Permise de Conducere și Înmatriculări): dgpci.mai.gov.ro
  2-nji ýol: Türkmenistanyň sürüjilik şahadatnamaňyz ýok bolsa — Rumyniýada täzeden almak

Eger sizde sürüjilik şahadatnamasy ýok bolsa we Rumyniýada kanuny ýaşaýan bolsaňyz, sürüjilik mekdebine (Școală de șoferi) ýazylup, rumyn sürüjilik şahadatnamasyny alyp bilersiňiz.

Kimler ýüz tutup biler?

• Kanuny oturuş ygtyýarnamasy (Permis de ședere) bolan daşary ýurtlular;
• Ýa-da Rumyniýada azyndan 6 aý bäri okaýandygyny subut edip bilýän talyplar.

Şertler

1. B kategoriýasy üçin okuw başlanda azyndan 17 ýaş 9 aý bolmaly. Amaly synaga girmek üçin bolsa 18 ýaş doldurylan bolmaly.
2. Kazyýet işi ýok diýen güwänama (Cazier judiciar).
3. Lukmançylyk güwänamasy.
4. Psihologik güwänama.
5. Beýleki ýurtda hereket edýän sürüjilik şahadatnamaňyzyň ýokdugy barada degişli beýannama (talap edilýän ýagdaýlarda).

Ýol

1. Sürüjilik mekdebine ýazylyň.
2. Nazary (teoriýa) okuwyny we amaly sapaklary tamamlaň.
3. Teoriýa synagyndan üstünlikli geçiň.
4. Soňra amaly sürüş synagyny tabşyryň.
5. Iki synagy hem üstünlikli tabşyrsaňyz, size rumyn sürüjilik şahadatnamasy berilýär.

Möhüm duýduryş

Teoriýa synagyny käbir ýagdaýlarda iňlis dilinde tabşyrmak mümkin. Emma okuw sapaklary, okuw kitaplary we taýýarlyk materiallarynyň aglaba bölegi rumyn dilindedir.

Şonuň üçin rumyn dilini bilmeýän adamlar üçin taýýarlyk has kyn bolup biler. Synaga ýazylmazdan ozal, öz ýaşaýan welaýatyňyzda synagy haýsy dillerde tabşyryp bolýandygyny öňünden anyklamagyňyz maslahat berilýär.

Resmi çeşmeler

• DGPCI – dgpci.mai.gov.ro
• ARR – arr.ro